Thursday, December 21

عقبال روان أما ترجع تكتب تاني ..أنا رجعت اكتب

لظروف أني سبت شغلي ومش في فرصة أقعد علي النت كتير
فمش هعرف أخد راحتي في التفكير وأكتب بوست او أختاره أو أعلق عليه
بس كان في رباعية لحبيب كل الناس اللي بتفهم
صلاح جاهين
انا عدلتها عشان تناسبني أنا و أتمني أني مكونش شوهتها
___________
بيقولوا أني شـاب لكني عمري ولا ألـف عـام
أغلب أيام عمري وحيد لكن بين ضلوعي زحام
خايف لكن خوفي مني أنا
هخرس لكن جوايا مليان كلام
وعجبي!!

11 comments:

شــــمـس الديـن said...

حمدا لله علي سلامتك

تدوينة جميلة و لو اني لا احب روح التشاؤم لديك

تحياتي :)

Diyaa' said...

أنتي اللي جميلة والله ...ده مجرد بشجع نفسي
المهم متشكر والله يسلمك و مفيش تشاؤم ولا حاجة ...انتي لو عرفتي اللي فيها هتعتبري التعبير ده متفائل جدا
تحياتك وصلت و عام سعيد

dandana said...

مشتشويهولا حاجة...
الاصل هايفضل جميل...
ومش لازم ينطبق علينا بحذافيره يعنى...
احناناخدمنه اللى يحكينا....وبعدها نعدل...نضيف...ننقص...
براحتنا....
يعنى براحتك....
بس بلاش موضوع الوحدة دا...
خلى الزحام اللى جواك يخرج ويملى دنيتك...
تحياتى

Anonymous said...

عود احمد

احمد مين؟ هههههه

انا مبسوطة جدا جدا
انك رجعت

فين الحاجة الحلوة؟

ممكن هوهوز؟ هههههه


و يا عيني علي جاهين

وعجبي
:)

غادة الكاميليا said...

ضيا
عارفه إنى غبت عنك كتير بس أحوالي متسمحش أضغط على الناس أهم حاجه إنى أقولك حمد الله بالسلامه
ياضياءجاهين

^ H@fSS@^ said...

ربنا يرجعك بالسلامة يا ضياء و ان شاء الله تلاقي شغل كويس و تستقر
طمنا عليك

سلام

شيمـــــاء said...

حمد لله على السلامة
وربنا ما يجعل فيها اى خرس
و يرجع نوران بالسلامة

Diyaa' said...

هستأذن أأجل الرد يوم أو اتنين عشان مش مركز وكمان بردان أوي
سلام وشكرا أوي ليكم و حمد الله علي سلامتك يا غادة ...أكبر حمد الله علي سلامتك قلتها و فاضل عندي واحدة بس ...لروان طبعا

Diyaa' said...

دندنة ...متفق معاكي في كلامك ..ومالها الوحدة ...دي مش من اختياري أصلاً ده فرض عليا ومش لاقيلها حل ..
يعني مجرد أني اسأل في حد ومحدش يسأل ..أو اللي عنده شئ شاغله بيكون شئ تافه ولو اتقالل هيكون أهانة ..فتبرير عدم الأهتمام بيكون مرجعه تفضيل الصديق أو الصديقة لأنه يكون لوحده برضه
الموضوع معقد وطويل
والزحام اللي جوانا كلنا المفروض فعلاً يخرج
ربنا يسهل ..وتحياتك وصلت
أيبي ...أنا مبسوط جدا أنك مبسوطة والحاجة الحلوة هي جاهين ...هبعتلك لينك فيه رباعياته كلها لو مش عندك ..اما الحلويات وكده فدي بتسوس السنان سيبك منها
منوراني يا إيبي و عجبي برضه ..
غادة ..متشكر أوي علي ضياء جاهين دي ..هاخد مقلب في نفسي قريباً ..ومفيش أي ضغط والله بكررها أهو ومش تكرري الغيبة دي تاني ...الله يسلمك
حفصة ..يا رب ..بس أرجع منين يعني ؟ و أديني بطمنكم عليا ..طمنوني عليكم بقي
شيماء ...الله يسلمك وقلت آمين ..ومنوراني بتعليقك المختصر..ويا رب راوان ترجع بالسلامة بقي ..قولي آمين

allfollowsome said...

خليك عملى شوية وظبط التظابيط

كل سنة وانت طيب يا جميل

Diyaa' said...

طاهر بيه وأنت طيب وزي الفل
أما بالنسبة للتضابيط فماشي بس هي ايه و تتضبط أمتي دي
ولوحدي ولا حد معايا ؟