إضافة بسيطة
المقال مش بيطرح حلول تفصيلية ولا بيكشف التايه
بس رؤية وصرخة مبنية علي واقع يعمي العين
واقع مينفعش نعدي عليه ونسكت
يمكن الصرخة دي تفوق الناس ويفكروا
ويمكن تبقي بس تأريخ للجيل اللي بعدنا
يقرا ويعرف الحقيقة اللي بيخفيها الإعلام الحكومي
وعموماً أسلوبه الصريح أوي أدي لعدم النشر
ولكن لو قرينا بين السطور فاللي قاله حقيقي
للأسف حقيقة مش علي هوي كسل وقلة حيلة مترسبين جوانا
بس تظل حقيقة
***
دعوة من الأستاذ أحمد في مدونته دردشة عربي
معبرة أوي عن سهولة إننا نكون إيجابيين
شوفوا اللينك ويا ريت مش ننسي بعد يوم أو اتنين
****
أفضل مقال قرأته وأتمني التمعن فيه بعناية
في مدونة الأستاذ أحمد كمال
برجاء الإطلاع عليه والقراءة بتركيز شديد
وأهم حاجة بعد القراءة والتطبيق بإذن الله
إننا ما ننساش..لأننا للأسف بننسي ما لا يجب نسيانه
ونتذكر ما لا يجب تذكره
**
في فكرة هنا برضه محتاجة مناقشة
وتذكير بإن المقاطعة مش موضة بتنتهي مع إنتهاء العدوان
لأن الجريمة مستمرة واللي فوقنا دلوقتي بس إنها
كانت ملحوظة وصعب تستخبي بس
__
وده فيديو لحد منهم بيقول الحقيقة
ويصب في نفس النهر الصور دي
عند نوارة نجم وقيمة الصور في
إنها ممكن تكون أجدي بكتير
من مظاهرات في مواجهة حاكم معندهوش دم
لأن لما توصل للغرب إن أكاذيب الصهاينة
مش حتي مستمدة من الديانة اليهودية
في أمل إن الدعم الغربي يتأثر
8 comments:
للأسف اللينك مش بيفتح من الشغل منهم لله
قافلين كل حاجه
هفتحه من البيت بقي
هو كان منتظر إن المقال دة يتنشر بجد
مظنش !!!!!
اللقاء يوم الجمعه 16/1
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس
رقم تلفونى هو 0188047779
المقال بيحلل الامور يطريقة هجومية جدا وليس طريقة تحليلية
اتفق معه فى الكثير
ولكن اختلف معه فى ان الشعب ليس مشاركا فى تلك الجريمة
او على الاقل ليس الكثير منه ولو بطريقة غير مباشرة
تحياتى دوما
إزيك يا ضياء أخبارك أيه؟؟
يارب تكون بخير حال
حروح أقرأ المقال يارب يكون فيه أمل
تقبل يا عزيزي خالص تحياتي
مع احترامى للكاتب بس مش شايفه ان ده مقال
مجرد هجوم على مبارك وبس او شوية شتيمه بمعنى اصح
وكمان معتبر ان قضية فلسطين مسئولية مصر بس لا مش احنا بس اه متضامنه بس كمان ماينفعش اقف لوحدى كمان تعليقه على حرق العلم يعنى كل اللى مزعله انهم محرقوش صورة مبارك وحرقوا علم مصر
لا اصلا محدش يزايد علينا مش يقلهم احرقوا علم مبارك لا مبارك وكل الانظمه العربيه اليمن اللى حرقت العلم وهاجمت القنصليه المصريه ماتعرفش ان فى الاف المصريين ماتوا عل ارضها دفاعاعنها كان فين باقى الدول ولا هو دم المصرى ارخص حاجه مين الدول اللى حاربت عشان فلسطين قبل كده اتكلم على مبارك ماتكلمش على همج الخليج وفلوسهم ومشارعهم مع امريكا واسرائيل ماتكلمش ليه على سوريا اللى عماله تهاجم ومش قادرة تقول بم لاسرائيل وترجع ارضها اللى مش طيلاها هتنهان بقى لحد امتى برا وجوه ولا هو خلاص محسسنى ان فتح المعبر هو اللى هيحرر فلسطين مايتكلموا بالعقل شويه كلهم متواطئين بس ماينفعش نفضل نجلد فى نفسنا وفى بلاد الخليج حتى حق التظاهر منعينه عنهم
يمكن لانى مابحبش الهوجه وشوية كلام انفعالى وخلاص
ودى طبعا اراء وبتحرم طبعا اختيارك للمقال يا ضياء
عندك حق يا ضياء
فعلا المقاطعة والحلول الواقعية اللى نقدر ننفذها هي الحل
وذي ما احنا بناشد الحكام يقطعوا العلاقات وعمالين نقول انهم خونة ومنيلين
فاحنا لازم بردو نقطع العلاقات ونقاطع المنتجات
غريبة يا اخي وعجيبة الناس اللى دماغهم لحستها البلوظة
تخيل ان في ناس فعلا مع الموقف المصري
وفي ناس عجزة وكلاب
وفعلا لازم نقر بوجود العالم دي في حياتنا وبلادنا
لان العالم دول رغم قلتهم هم سر البلاء
بس هقول ايه
في النهاية احنا علينا وزر كبير وهو اننا بردو كسالى
بلا ارف
ده انا معرفش الناس المقتنعة باللى بيحصل دول ربنا خالقهم من انهي طينة
عمما ان شاء الله هقرا المقال
وهشوف اللينكات دي
ربنا يباركلك يا ضياء
اذيك يا ضياء
بقولك انا محتاجة مساندتك ليا في الحجات اللى بحاول اعملها من اجل نصرة غزة
انا بحاول الجا للناس المحترمة اللى ذيك واللى فكرهم تمام و لسة متلوثش بالخداع والاكاذيب اللى ملت عقول الشباب
ارجو انك تيجي وتدعمني وتساند وتحاول تنفذ الافكار دي فعليا
Post a Comment