دُعي أحد الدكاترة لإلقاء محاضرة في مركز للمدمنين عن أضرار الخمر
فأحضر معه حوضان زجاجيان : الأول فيه ماء ، والثاني فيه خمر
ووضع دودة في الماء فسبحت ، ثم وضعها في الخمر فتحللت وذابت
حينها نظر إلى المدمنين سائلاً: هل وصلت الرسالة ؟؟ فكان الجواب
نعم اللي في بطنه دود يشرب خمر عشان يطيب !!000
________________________
بتفكرني النكتة دي بالناس اليومين دول
يبقوا شايفين وحاسين بإنهم ماشيين في طريق غلط
بس بدل ما يدوروا علي طريق تاني أو يحاولوا يفكروا ولو لحظة
لأ بكل بساطة بيفضلوا منتشيين بنشوة الغلط سواء كانت
سلطة ..فلوس..شهوة..ويبرروه بمبررات من عينة
الطموح والسعادة والراحة ومحدش واخد منها حاجة
ربنا يهدي الجميع ...وأي حد بطنه توجعه يشرب ويدعيلي
57 comments:
دايما الغلط ليه متعته
وده اللى بيخلى ناس كتيره بيتدمنه
المتعه اللى بتصاحبه
ودايماالصح مقترن بحرمان من بعض المتع
وده اللى بيخلى ناس كتير برده مش بتقدر تستمر عليه
لان بريق المتعه بيشدوهم دايما
بس عارف يا ضياء
الانسان لما يكون عارف ان اللى بيعمله غلط حتى لو كان مستمر عليه فاكيد هيجى يوم ويبطله لما يزهد المتعه دى لانه عارف انه غلط
بس المشكله دايما فى اللى بيعمل الغلط ومش مدرك انه غلط
ده ممكن عمره يعدى من غير مايبطل الغلط لانه مش مدرك خطا اللى بيعمله
ربنا يهدى الجميع
بوست مميز كالعاده يا ضياء
تحياتى
بالصدفة انا بقرى البوست و بسمع لفيروز و هي تقول و شربت الفجر خمرا
النكتة مضحكة
هو انت هنا بتعمل دعاية بالصورة ؟؟؟
مش عارفة اقولك ايه يا ضياء ....الناس بيقولو احنا عارفين اننا بنعمل حاجة حرام بس بيعملو و تلاقيهم بيحبو ربنا و كلو و انا هنا بتكلم على الكبائر مش عارفة ازاي و ساعات بيقولولك الدين حاجة صعبة اهو احنا بنصوم او بنصوم و نصلي و الباقي ربنا يهدينا
ربنا يهدي الجميع
سلام يا ضياء الطويييل
:)))))
نسيت اقولك يا ضياء..انا دخلت للمدونة و لعبت مع الفراشتين دول اللي حيخلوني البس نظارة بتاع استجماتزيم
:D
ابليس يجري في الانسان مجري الدم ربنا يهدينا
احنا شربنا كتير اوي
انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق
It places fhoto of Madeleine in your bloggue
Missing Madeleine!
Madeleine, MeCann was abduted from Praia da Luz, Portugal on 03/03/07.
If you have any information about her whereabouts, please contact Crimestoppers on 0800555111 Please Help
ضياء
بغض النظر عن فكرة البوست اللي عجبتني جدا
بتمنى بجد انك تكون كويس
وياريت تطمنى عليك
الفضول اخى الكريم
الفضول يدفع الناس الى الاستمرار
طيب انا بحب اشرب نعناع لما بطنى توجعنى
وحتى فيروز بطلناها من ساعت الكحول اللى شبهونا فيه دا
طيب اعمل ايه انا بقى
هو مفيش غير الايس كريم اللى بنسى بيه الهموم:))
اللهم اهد شباب المسلمين وابعدهم عن الخمر والمخمورين
تحييياتى ليك وااااسف جدا على تقصيرى
جميل اوى يا ضياء وبوست لو اوى
المتعه دايما ليها بريق ابليس دايما جميل..
تحياتى
الانسان دايما بيشوف اللي حابب يشوفه مش الموجود فعلا
بس برضو بيجي وقت
ويبطل يشوف خالص
السلام عليكم و رحمة الله و بركاتة
القصة رائعة حقا بجد
بتنم عن معاني كتيرة اوي موجودة في عصرنا الحاضر ... لما الناس تفلسف الغلط بمذاجها علشان يبقي صح !!! و هو دا اللي ضيع الدنيا برا - اخلاقيا - و اعتقد انه في طريقة انه يضيع الدنيا كمان جوا
بس المشكلة في حاجة
ان احنا جوا القيم الانسانية مع عدل و حق و ما الي ذلك اساسا ضايعة ... فلو قلدناهم كمان في فلسفتهم دي في الاخلاقيات يبقي قول علينا السلام !!!
لكن عهما رغم ضياعهم الاخلاقي لكن القيم الانسانية مازالت خير عندهم
تحياتي لنشرها لعمق معناها لمن يدقق
السلااااااام عليكم
اييييه اللى بيحصل دا
اييييه اللى انا شايفه دا
ضياء اصبح فاشل وبيذاكر يارجاااله
اوووكى لما ترجع بس انا هشوف شغلى معاك.. حضر الفلكة يابندق
شد حيلك بقى بس حاسب لايتقطع:)))
وبالتوفيق ياتوفيق
كانت معكم.. سارة جمع مؤنث سالم:))
صباح الورد يا ضياء
جميل جدا ..فعلا فيه ناس بستلذ بالغلط ..الممنوع مرغوب بقى ...تحياتي
كلامك سليم ياضياء
بس فية ناس بتعلم وناس لا
وربنا يهدى
تحياتى
اهو ده المثل اللي بيقول كل واحد ينام علي الجنب اللي يريحه
كل واحد بيعمل اللي هو عايزه مدام هيريحه مش مهم ايه عيب و ايه غلط و ايه حرام
فن التبرير إختراع إنسانى ;) ودة يثبت كلام الله " إن الله يهدى من يشاء " , الهدى دة فعلا نعمة يعنى ممكن ربنا يكون رايد لشخص ما الضلال فيسلط علية نفسة انها تضلة لاّخر نفس فى صدرة و علشان كدة أرى ان الهدى لا يتم التوصل لة بالعقل فقط و لكن أيضا بالتماس العون من الخالق
تحياتى لمقالك الجميل
ي مقولة كنت دايما بسمعها ان الحرام طعمه حلو
فالناس بتزين ليها الحرام عان تعملا
ومش عارفن ان الطعم الاحلي والاحلي هو الحلال
واللي بيخليهم يلجأوا الي الحرام هو الفضول
الرغبة في نسيان الواقع الاليم
اختلاط الاور وغيرها من الامور
ربنا يغنينا عن الغلط والحرام
ضيااااااااء
ألف سلامة عليك ياااولدى
معايا حلة محشى وجوزين انارب..احطهملك فين؟
هى الدنيا كدا لازم تغلس معاك.. ماتعرفش انك داخل على امتحانات وعاوز شوية الصحة اللى حيلتك
عموما الانارب هترم عضمك.. بس تاكلهم كلهم:)))
وابقى طمنى عليك ياابنى
سلاااااااام
قولت اسلم
فعلا انا لاحظت ده ان الى بيغلط بيكون عارف بنسبه كبيره
بس بيحاول يتحايل على الغلط
ويوضح له مميزات غصب عنه ...يمكن بيها بيحاول يقنع نفسه
مش الآخريين
وعلى فكره يا ضياء ..الشخص الى بيقول انا توبت على الغلط ويحاول يبعد بيكون بمزاجه
فاهمنى؟
يعنى هو اساسا عارف انه غلط
ومكنش فيه اى اسباب تدعوه لده
ولأن المتعه زالت واثرت بقى بالسلب بنسبة اكتر من النص
فحاول يبعد
ده رأيي..واتمنى تقبله
على فكره اول مره اكتشف مدونتك
بجدجميله جدا
وعرضك للموضوع شيق فعلا
تحياتى يا ضياء
عجبتني الفكره اوي:D
وفعلا الناس كلهم بقوا يعملوا كده ياضيا
عارف ليه ؟ عشان الناس دماغهم ضيقه
وبقوا بعاد اوي عن ربنا فمبقوش قادرين يميزوا الصح من الغلط والمعايير باظت عندهم وكلو دخل في كلو
وبعدين سبحان الله بيقولوا الحرام طعمو حلو
متعه كده
استغفر الله العظيم ربنا يعافينا ويهدينا يارب
--------
مدونتى فيها موضوع ريحته وحشة
اللى بيقرف ميدخلش عندي
:)))))))
للأسف الناس بقت بتستسهل الغلط
تحياتى
اولا ياسيدى
انا اساسا
داخة اقولك ازيك
واسلم عليك كدة يعنى
واقولك فينك
ومش بتسال علية ليه
بالنسبة لوموضوع البوست
انا مواقفة ريمو فى كلامها جدا
ومتفقة معاها اوى
ههههههههههههههههههههه
جامدة وفعلا يايت الناس تفهم
ياللى هناااااا
اخبارك اييه ياعم ضياء؟؟
والامتحانات ماشى فيها تمام واللا فى مطبات؟
ابقى طمنا عليك وبالتوفيق دايمااا
سلااااااام
اولاً تصميم البولج جميل جداً
ثانياً من كتر الواحد بيمشى فى الغلط خلاص بيتعود عليه و حتى ضميره بيبطل يأنبه زى الاول و عينيه بتكون مقفوله مع انها مفنجله و قلبه وقف عن الحياه مع انه لسه بيدق
و ده بيسموه موت الروح اكلنيكياً
ربنا يرحمنا و يصحح ضمايرنا جوانا
تحياتى
هو ايه اصله دا
العنكبوت بنى عمارة عندك
انت هاجر المدونة يابنى واللا ايه
واخبارك ايه دلوقت
والامتحانات
وحالتك النفساوية
ابقى طمنا يامعلم برعى
سلااااااااام
فعلا عالم مخمور
تحياتى
ضياء انت بتتاخر لية كدة؟
اولا ...
هو فيه فرق بين الحرام والغلط....؟
يعنى مثلا..الحرام..الاستمرار فيه دا معاندة لربنا وللدين...
يعنى نوعا ما كفر
انما الغلط...
يعنى ياترى لو حد بيعمل غلط...واستمر يه...دا بيكسب فعله صفة الحرمانية...
طيب لو زى ما ريمو بتقول...بيعمل الغلط ومش مدرك ليه...او هو مقتنع بأنه صح...وكل الناس بتقوله انه غلط...
يبقى فين هنا الغلط....
الفعل نفسه...ولا عناده للناس...
المشكلة فعلا ان الواحد ممكن يضل يراقب نفسه كويس..ويسعى للصح دايما...ويحاول على قد مايقدر يبعد عن الطرق الشائكة...
لكن فى لحظة...
يرتكب فعل غلط...او حرام...
ويحس بلذته....لدرجة انه يتمسك باللذة دى فى مقابل انه هايخسر حاجات كتير اوى...
ع العموم...عشان ابطل هرتلة...
مافيش حد كامل...الكمال لله وحده...
الانسان بطبعه ضعيف النفس....
ربنا يهدينا
تصدق البلوج بتاعك وحشنى اوى
دمت جميل يا ضياااااااا
وهدعيلك متخافش
صباح الخير
بعيدا عن البوست
بكره الميل قلت اجى اسلم هنا
يا رب تكون كويس
سى يو سوون
ازيك يا ضياء
على فكرةانت ليك حكايةمعايا صلا انا كنت دخلت مدونتك قبل كده بس
مكنتش بعملكومنت مش عارفو ليه المهم وكنت علطول بجيلك هنامن زمان وايام زمان والايام الصعبة الى فاتتيا رب تكون عديتها وبقيت تمام
بس الجهاز اتفرمتفراحت المدونةواللينك شوف ربنا انت تيجى تعلق عندى واقفشك
هههههههه حلوة اقفشك دى
بالنسبة للبوست انا هقولك حفت الجنة بالمكاره والنار بالشهوات
فلازم الغلط يبقى فيه شهوة او حاجة بتحب تعملها عشان تحارب الخير لانك لما تحارب شهوة يبقى انت كده بقيت تمام وماشى صح
عشان مطولش عليك بس متتاخرش علينا
ضياء الشمس
فكرتك وصلت طبعا
وكنت عايزة اقول ان بداية كل حاجة حرام هيا الخمر
يعنى هيا بصراحة حاجة الحمد لله ان ربنا رحم المسلمين منها
وكنت عايزة اقولك ان فى قصة هاروت وماروت رفضوا كل حاجة وفضلوا ثابتين لكن اول ما شربوا الخمر قتلوا النفس وكفروا بالله وزنوا
فايارب لك الحمد على نعمة تحريم الخمر
بوست هايل يا ضياء
تحياتى
لذيذ اوى البوست دا
وطريقة السرد رائعة جدا
الصور كمان حلوة
والبلوج كله ملى بعض يجنن
تحياااتى
واتمنى اكون صديقة للمدونة التحفة دى
طبعا اللي بيغلطوا بحاولوا يبرروا خطأهم بأي طريق مش لان خطأهم عاجبهم و مش عايزين يحسوا بتأنيب الضمير
لا حول ولا قوة الا بالله
اييه يابنى طيب على الاقل اكتب بوست قول فيه عدنا سالمين الى ارض المدونة
عموما انا جيت اسلم واعتذر بجد على تقصيرى معاك
اتمنى تكون بخييييييير
سلاااااااام
انت يابنى فين!!!!
كل ما ادخل مفيش اى بوست جديد
ايه اللى حصل؟؟
i read your comment
and this post very cool
i dont have it
واذا قيل له اتق الله أخذته العزة بالإثم فحسبه جهنم ولبئس المهاد
تحياتي
للخطأ نشوته
ثم كل اللي انت قلت عليه من شهرة و فلوس و مجد بريقهم ملفت اكتر من اي خطر تاني بريق يعمي العيون
تحياتي
اممممم
بوست عامل زي ما يكون خبطة قوية في وقت محتاجاه
ساعات الطرق الغلط بتهوانا من كتر ما اقنعنا نفسنا إنها مثالية
وبالتالي بنتأقلم معاها ونعيش الحياة لحد مايكبر شرخ بنصنعه واحنا مش داريين
فبنقع
والذكي اللي يقدر يقوم تاني
رغيت كتير
بس يمكن لأن الطرق الخطأ هيا اللي بسلكها اليومين دول
ربنا يهدينا وينورلنا بصيرتنا شوية
تحياتي لكَ
صحيح أنا عجباني الموسيقى ديه جدا
ممكن لو مافيهاش غلاسة اللينك بتاعها
شكرا
السلام عليكم
احييك فعلا ياضياء علي كلامك المؤثر وفكرك الواعي
وانا قد شرفت جدا بزيارة مدونتك
للأسف..كتير مننا بيشرب ويشرب
يحرق في نفسه..فاكر انه كده بيخدر عقله عن واقع متعب او هم مؤلم
لكن
الواقع هايفضل موجود غصب عنه
والهم هايزيد مش يقل
ويفضل يحرق في نفسه
ربنا يعافينا
يارب
ــــــــــــــــــــــــ
اسمحلي ادعوك وكل الناس كمان لزيارة مدونتي الحديثة الانشاء
مدونة تغريد الياسمين
ومشاركتنا في الاجابة عن تساؤل مطروح
من ينتصر؟
ـــــــــــ
اخوك زميل في دراسة القانون برضه
تحياتي ليك واتمني اكون من اصدقاء مدونتك
لمبادا
طبعاً أنا برد متأخر أوي ..فمش ناس كتير هتشوف الرد أصلاً...بس هو نوع من الاعتذار لتأخيري في الرد واللي سببه يطول شرحه
عموماً...
ريمو...زهد الأنسان في المتعة أمر مشكوك فيه..يعني مثلاً اللي بيشربوا خمرة وعارفين إنها حرام أو بيزنوا أو أو..حتي في مسيحين بيخالفوا تعاليم في دينهم وعارفين..فالزهد ده بيرجع لقوة الشخصية وموقع الضمير فيها..وربنا يسمع منك وشكراً ليكي
ندي..لحد دلوقتي بقالي ييجي شهرين مفهمتش يعني إيه دعاية بالصورة دي
من كلامك هاخد وأقول..البشر بيتفننوا في التهرب من إلتزاماتهم تجاه ربنا لكن التزاماتهم تجاه البشر مش بيتهربوا منها
تفتكري ليه ؟
سلامي ليكي والفراشتين في منتهي البراءة مش هيجيبولك حاجة ..أنا موصيهم
سندباد...آمين..والانسان هو اللي فتحله المجري للأسف
شرم ..وماله ..أدينا بنشرب تاني
دينا فهمي ..أنا بحمد لله علي أي حال..شكراً علي سؤالك
رينا ..ليس مجرد الفضول ..بل هو ضعف وغباء..للأسف الشديد
وسبب عدم الكتابة وضحته وهحاول أوضحه..عموماً أديني عايش أهو
منورة وشكراً لسؤالك
سارة ..أسف ولا آسفة ؟ طيب إيه علاقة النعناع ؟ عموماً مفيش تقصير ولا حاجة
نورتي وربنا يهدي الجميع
وما كنتش بذاكر وبطلت شد في حيلي بناء علي نصيحة الكسل وشكراً عموماً وربنا يوفق الجميع..
وشكراً لسؤالك
الغزالي...تحياتك وصلت ..وإبليس عمره ما كان جميل ..إحنا اللي عندنا حول مؤبد بس بعيد عنك...
أحمد سلامة..فعلاً الناس بتكدب علي نفسها..ولما بيتعبوا من الكدب ..بيدوروا علي كدبة كبيرة ويغرقوا فيها..
شمس..وعليكم السلام..متشكر أوي وأتمني حد يدقق ويفهم..أنا فهمت بس مش عارف بطبق صح ولا لأ..المهم منورة
مروة جمعة..تحياتك وصلت وأوجزتي فأنجزتي..بس مش كل الممنوع مرغوب
تامر الجميل ..يا رب...
كوكو ..ويا ريت بيريحه للآخر ..مفيش بعد نظر خالص..خلص من السوق أصلاً كمان
باشمهندسة فاطمة..التبرير هي دي كلمة السر..كلٌ يبرر علي ليلاه ..منورة وشكراً
سمرا..فعلاً انتي قدمتي بعض المبررات..بس فين العقل يفكر في دوام الطعم الحلو..الطعم المؤقت ده هيدوم لحد أمتي ؟
متعرفيش..أهو عند وغباء وخلاص
آمين ...
شيماء الجيزي..شكراً ليكي..وفعلاً المتعة المؤقتة بتلغي العقل ويفضل يزينها لنفسه
ولكن مش متفق إن كل اللي بيتوب بيتوب بعد ما بيحس بإن تأثير المتعة قل..هو نوع من الهداية وأنا بتكلم هنا علي التوبة النصوحة ..ورأيك أسعدني ونورتي المدونة ومتشكر تاني لرأيك
أوما...عليكي نور...ضيقوا عقولهم علي روحهم...وبعدوا أوي وحتي لما بيحاول حد يقربهم أو يقربلهم..بيتجاهلوا كده ويمكن يأذوه كمان
وباظت المعايير لدرجة إنهم خلوا الحرام حلو...ربنا يسمع منك
بُسُبُس ..للأسف آه مهما كان صعوبته..تحياتك وصلت
الوردة السوداء..أنا عايش أهو وبحاول اسأل والله بس ساعات بخاف أسأل الاقيني مش وقتي خالص
طاهر...يا ريت
واي مي...شكراً وده تصميم من حد جميل فعلاً...وثانياً...مصطلح موت الروح من أجمل المصطلحات اللي نزلت في التعليقات
وسببه إنهم ضيقوا عقولهم علي نفسهم..واستسلموا ليها وهي بتوديهم في داهية
ربنا يسمع منك وشرفتني
عين ضيقة...فعلاً وعقله ضيق..ومعتقدين إن ضيق عقله شئ جميل..نورتي
ميوية ...اه في فرق ..لأني ممكن أعمل الحلال بشكل غلط..يعني ربنا ما منعهوش عني بتاتاً لكن في نفس الوقت مش معمول صح..زي اللي بيصلي وهو سرحان...غصب عنه وغلط...عكس الحرام اللي أنا شايفه بيبقي حرام وغلط في نفس الوقت..بس الناس قد لا تعتبره غلط أصلاً طالما الواحد عارف ومدرك لكده...ومفيش حاجة اسمها مقتنع بصحته لأن الحلال بين والحرام بين والمفتح هو اللي بياخد باله..وجل من لا يسهو...كلنا ممكن نسهو ونغلط...المهم..اللي بيعرف يمنع نفسه من الاستمرار
انتي ما كنتيش بتهرتلي يا ميوية...منورة ووصلتي للنهاية الصح..بس الضعيف لو مدورش علي القوة يبقي يستاهل الاحتقار...
غادة...متشكر..وانتي كمان وحشتي البلوج
إيمز..يا رب يا ستي..سي يو سوون
انتي كده ..مبروك عليا القفشة ...انتي صح في باقي الكلام..وطولي براحتك وأسف للتأخير والرد المتأخر
نبض أسكندرية..الحمد لله وصلت ...والبداية للحرام مش واحدة...تعددت الوسائل والموت واحد...بس الخمر بتسهل طبعاً كل الشرور والحمد لله إن ربنا فعلاً كان رحيم بينا ونبهنا لضررها ومسابش ده لفطرتنا..وانتي اللي هايلة..تحياتك وصلت
حدوتة..متشكر...وأكيد أنتي صديقة للمدونة المتواضعة دي
شريف..بيقتلوا الضمير..للأسف
تسنيم..صدق الله العظيم..دائماً وأبداً
مادو...بريقهم ملفت لكن وقعتهم سودا ...ربنا يبعدنا ..نورتني
نهي جمال..الحمد لله إنها في وقت محتاجاه..عموماً اتمني إن الناس اللي لسه فيها أمل زيك متقعش كده..وتقوم وتكمل
مرغيتيش ولا حاجة وشكراً لدعائك..وربنا يبعدنا عن الخطأ.
لمبادا...أنا اللي اتشرفت..وكثير مننا بيفضلوا في التخدير ده بمزاجهم لحد ما تقع الفاس في الراس..ربنا يسمع منك..نورتني يا زمل وأنت فعلاً صديق للمدونة وليا
علاء..ضفتك عندي وهقولك رأيي..
لسة منتظرك يا ضياء...
عندك حق يا أستاذ ضياء
بصراحة فيه نوعية من الناس النقاش معاها مشكلة
ليست مشكلة أن تعترف بالخطأ و تتراجع عنه
المشكلة فعلا في تبرير الاخطاء
ربما بهدف الانتصار للناس
تحليل رائع
سيبك من البوست اللي اتقال فيه كلام كتير
حمد الله علي السلامة يا ضياء
لييييييييييييييك وحشة هنا يا راجل
منور
و لي عودة
صح
بدل الواحد مايعدل نفسه الي طريق الصح
يحاول يبرر مشيه في طريق الغلط
دماغك عاليه!!!!!
الشكر لك العمل وعلى درجة جيدة في عطلة نهاية الاسبوع
السلام عليكم انا مرضيتش اني اكتب في البوست الجديد الا لمااقراه عامة انا بس حابة اطمن عليك لاني مش سامعة فيك بقالي فترة
اتمني تكون بخير
في حفظ الله
Post a Comment